红军首击等睇大骚
原班人脚好快挞得着
英超今晚返嚟喇！上季盟主利物浦展开衞冕第1击，主场迎战去季英冠王者列斯联。「红军」上季历史性首夺英超锦标，今夏不变应万变，原班人脚开咧即可挞着，而且佢哋近年开咧战经常大手交易，撞正崇尚进攻嘅列斯联，3.5球嘅入球大万勿错过。
利物浦上季以超班姿态首夺英超冠军，一众功臣如沙迪奥文尼、穆罕默德沙拿、罗拔图法明奴、韦拿杜姆及华基尔云迪积克等全部留队，夹咗2至3年对战术熟到烂，而且阵容平均年龄正值当打，领队高普季前只签入希腊左闸森美卡斯，加强板櫈深度，虽然佢因感染新冠肺炎多数未能上阵，但对「红军」主力阵容影响唔大。
利物浦于早前社区盾互射12码输畀阿仙奴，佢哋初段明显未入局，到下半场只係谷一段即扳平，可见等閒球队好难招架。再者「红军」近年开季特醒，对上4季开锣战全胜之馀，每场均攻入至少3粒，4仗总入球全开4球或以上，唔讲得笑。
列斯联踢法够主动
去季英冠王者列斯联喺阿根廷「疯子」教头比尔沙带领下，事隔16年重返英超，凭嘅就係疯狂进攻同逼抢踢法，首席射手班福特上季入16粒够抢镜，加上重金签入西班牙国脚洛迪高摩连奴，必定贯彻全攻型打法，随时同利物浦合演入球骚，3.5球大盘咪错过。
