巴塞踩油追半Ｗ
艾尔切防守懒懒閒
力追榜首马德里体育会嘅巴塞隆拿，今晚西甲作客升班球队艾尔切。巴塞虽然失落西超盃，更有球王美斯要停赛，但「地上最强」喺联赛已经上力，近4场作客联赛全胜兼半场领先对手；艾尔切实力曳之馀防守更懒懒閒，推介半场客胜。
美斯缺阵仲有大把炮台
阿根廷球王美斯喺西超盃决赛挥拳打向毕尔包嘅维拿利巴，领红牌被逐，被西班牙足总判罚停两场，包括上周中西班牙盃对哥尼拿及今场联赛。虽然美斯仍然係巴塞进攻主力，但佢今夏离队已经係不争事实，球队早已作出相应准备，因此美斯停赛对巴塞部署唔会有太大影响。
巴塞上周中西盃同丙组仔哥尼拿踢到加时先晋级，今场斗艾尔切唔会再咁样衰，事实上佢哋除咗美斯，今季仲有好多炮台，基沙文、巴夫韦迪、柏迪，甚至法兰基迪庄都入到波，要喺上半场攻陷弱旅艾尔切绰绰有馀。
现时排降班区第18位嘅艾尔切，本身实力已经唔高，最惨係连防守亦唔积极，有统计指佢哋係欧洲5大联赛高位逼抢力最低嘅球队，称得上任人鱼肉。艾尔切近10场赛事7次半场落后，遇着锺意作客一开波就发力嘅巴塞，凶多吉少，半场客胜好路。
