爱华顿斗李城等睇入球骚
早前英超「双红会」精彩万分，喺周四凌晨就有「双蓝会」，爱华顿挑灯夜战李斯特城。两军今季都表现出色，曾经做过联赛1哥，现时亦有力争标，互相对撼冇退缩空间，爱华顿有「空中霸王」卡维特利云复出，李城亦克服「华迪依赖症」，占士麦迪臣弗到震，今场斗攻入波唔会少，捧2.5球入球大。
爱华顿17战得32分，李斯特城19战得38分，两军实际失分数字一样，可见今场是非常旗鼓相当嘅恶斗。「拖肥糖」有英格兰射手卡维特利云复出，佢喺上场英足盃入波，助球队3比0轻取锡周三。
卡维特利云复出攻坚
爱华顿领队安察洛堤季初就係利用占士洛迪古斯同基菲尔施古臣组织，李察利臣爆破，加埋卡维特利云空袭，呢条方程式取得好成绩，依家伤疲尽起，唔愁冇波入。不过，「拖肥糖」最大问题是防守，英格兰门将比克福特稳定性不足，8场主场赛事只得1场保持不失。
李斯特城首席射手占美华迪要动疝气手术，最少养伤4周，今场肯定缺阵，好彩佢哋已经成功克服「华迪依赖症」，两名中场占士麦迪臣及哈维班尼斯弹起，肩负「狐狸」入波责任。李城今季英超入35球，占美华迪佔11球，占士麦迪臣同哈维尼斯已经各入6球，合共射入12球，足以弥补华迪嘅缺阵。
事实上，李斯特城近5场联赛「华Dee」都冇波入，但球队仍然取得3胜2和，占士麦迪臣更连续3场联赛有「士哥」，呢名英格兰中场英足盃亦射入1球，弗到漏油，球队作客亦坚，9场作客获7胜，当中只有1场入唔到波，对住同为争标分子嘅爱华顿唔会退缩，捧2.5球嘅入球大。
