克阿瑟受让有着数
全新戏码悉尼打吡
澳职今午爆发全新「悉尼打吡」，位于悉尼西南部嘅新军FC麦克阿瑟，主场迎战「地胆」FC悉尼。麦克阿瑟喺多名星级战将打拚下，首季出战澳职成绩令人眼前一亮。另边厢FC悉尼虽贵为冠军热门，但近期演出明显喺水准以下，今场让波靠唔住，捧麦克阿瑟让球胜好路。
FC麦克阿瑟虽然係澳职「新丁」，不过球队组军极有雄心，前英超射手达比舒利加盟相当瞩目，呢位曾效力布力般流浪嘅英格兰前锋上场攻入登陆澳职第1球，带领球队作客2比1赢纽卡素喷射机，信心同状态都够晒保证。
FC悉尼攻击力严重走样
今仗预计麦克阿瑟会沿用近2场拎4分嘅班底，两大西班牙中场马高苏沙亚达同比纳特确保球队能够控制比赛，球队今季控球率（59%）同传球成功率（84%）都係澳职之冠，证明状态大勇，主场出击当然係信心保证。
衞冕嘅FC悉尼被视为冠军大热，阵中仍然有唔少顶级球员，不过受到方祖等主力离队嘅影响，球队似乎仍然未能消化，近4场比赛只係赢过1场。FC悉尼上季成功建基于稳健防守，但今季头3场联赛就失咗4球，而且王牌前锋方祖离开后，把握能力大受削弱，数据显示FC悉尼今季「预期入球」为场均1.9球，但近3场波只係入3球，可见球员把握入球能力极差，球队依家攻同守都有问题，面对信心爆棚嘅FC麦克阿瑟难言稳胜。
