曼城稳中求胜细盘噼锡
英超1哥曼城今晚主场出击斗榜尾锡菲联，表面睇落强弱悬殊，但锡菲联啱啱作客砌底曼联，前车可鑑下曼城唔会大意，佢哋近排加强防守，即使主场亦唔係一味强攻，反而锺意「零封」稳中求胜，近8场主场有7场总入球开3球或以下，今场玩3.5球入球细仲明智。
锡菲联回勇未必大败
锡菲联上场爆冷2比1赢曼联并非冇迹可寻，佢哋近期表现称职同搏命，好多时输波只係欠运，近排踢顺番连盃赛近5场赢4场，呢支上季英超赢盘王只要发挥正常，想赢佢哋并唔容易。
曼城各项赛事连赢11场顺风顺水，但近期喺英超、英联盃同英足盃3线作战，频密赛程难免有疲态，早前英足盃对英乙球队车顿咸，就係先失波下尾段发力惊险反胜。「蓝月亮」领队哥迪奥拿深明收放之道，唔强求场场大炒对手，事实上曼城近8场主场比赛之中，对富咸、纽卡素及阿士东维拉都只係赢2比0，对护级分子白礼顿更係上半场领先1比0到完场。
翻查往绩，曼城近6次斗锡菲联战情都几紧凑，全部总入球开3球或以下，预料「蓝月亮」今场最紧要袋3分巩固榜首优势，3.5球入球细稳阵。
