喜鹊迎水晶宫细均力敌
今晚英超尾场纽卡素主场对水晶宫，两队同于下游挣扎，稍有不慎随时捲入降班漩涡，今场就算赢唔到，都唔想对手全取3分，预料会稳阵行先。加上近8次对赛总入球都係2球或以下，首选中位数2.5球细盘。
纽卡素攻力疲弱
纽卡素上场以2比0击败爱华顿，走出连续11场不胜困局。不过「喜鹊」积弱多时，赢番一场并唔代表解决问题，尤其佢哋攻力疲弱，近10场赛事有7场「捧蛋」，另外3场都係下半场先入波，要攻破水晶宫防线非易事。再者纽卡素过于依赖哥林威尔逊，今季「喜鹊」21个联赛入球有10球由佢射入，一旦哥林威尔逊被对手冻结，纽卡素进攻就死晒火。
水晶宫上轮主场1比0小胜狼队，但佢哋近5仗作客不胜只入1球，随时打回原形。同埋水晶宫暂时领先纽卡素4分，即使打和都係可接受战果，唔需要冒进。睇番水晶宫近4次作客纽卡素，总入球都係1球，细盘值得追捧。
