连格助拳韦斯咸明恰富咸
周日凌晨英超有场伦敦打吡，富咸主场斗韦斯咸；富咸近况冇起色，相反韦斯咸愈战愈勇，由曼联借用嘅连格首次上阵即交到功课，整体表现更上一层楼，加上韦斯咸近3次斗富咸全部赢晒，客W值得支持。
富咸颓爆近11场未赢过
富咸上场主场淨吞李斯特城2蛋，近11场联赛7和4负，佢哋对上5场联赛主场只入1球，唔识入波係未能抢分嘅致命伤，佢哋依家落后尾4嘅般尼8分，先唔讲争上岸，就连排喺后面嘅西布朗、锡菲联近期表现都比佢哋好，再咁落去相信富咸好快就会畀两队过头，护级前景更加悲观。
韦斯咸上周中虽被利物浦终止6连胜走势，不过上场作客阿士东维拉凭新兵连格梅开二度，以3比1击败对手全取3分，极速反弹，呢名曼联借将重投莫耶斯旗下表现如鱼得水，配合米查利安东尼奥、查洛保云及汤马士苏锡安等原有勐将，要冲击欧洲赛资格绝对不是梦，何况韦斯咸近3次联赛斗富咸保持全胜，两军现时状态一升一跌，富咸想赢番次唔係咁易，韦斯咸客W可放心捧场。
