彭美拉斯半和格
争入决赛唔会急攻
卡塔尔举行嘅世冠盃今晚率先上演首场4强战，自由盃冠军彭美拉斯火併墨超劲旅堤格雷斯。堤格雷斯上场反胜蔚山现代状态唔错，彭美拉斯踢法以静制动，预计初段唔会急于抢攻，首选半场和。
中冠盃盟主堤格雷斯上圈对蔚山现代虽然先失守，不过凭法国老将基格纳梅开二度，包括射入一球12码，以2比1反胜对手跻身4强，状态靠得住，同时亦见到35岁嘅基格纳宝刀未老。彭美拉斯早前喺自由盃决赛踢到补时险胜山度士1比0捧盃，上周中联赛派出大量副选下，主场1比1打和保地花高，近况同样唔曳。佢哋踢法向来稳中求胜，对上3场比赛全开2球或以下，当中两次开出半场和，今场唔想失先机，定必先做好防守，推介半场和。
艾杜哈尼遇蔚山做大戏
至于头场第5名之争，亚冠盃盟主蔚山现代斗东道主艾杜哈尼。蔚山现代今季改由名宿洪明甫领军，上场不敌堤格雷斯但发挥唔错；艾杜哈尼本身有摩洛哥国脚贝拿迪亚坐阵后防，早前更由日职柏雷素尔罗致肯尼亚射手奥隆加，佢哋上场输畀艾阿里亦绝非捱打，有球迷支持肯定更搏命，捧2.5球大盘。
