利云特半和顶住毕尔包
今晚西盃4强首回合，「巴斯克雄狮」毕尔包主场硬撼利云特。毕尔包自从爆冷夺得西超盃后，状态略为回落，进攻重心蒙尼恩又因伤缺阵，影响颇大，「小蝙蝠」连场不败硬淨到晕，而且初段例稳阵行先，半场和值得捧场。
毕尔包残阵谷唔起
毕尔包今季搵来西甲老江湖马些连奴接手，立即于西超盃连挫皇马同巴塞封王，新帅效应立竿见影。不过之后开始有下滑迹象，近2场联赛不胜，近3圈西盃都赢得惊险，包括上圈靠互射12码先淘汰贝迪斯，与之前嘅气势明显有分别。除咗恩尼高维辛迪因早前确诊新冠肺炎，仍需隔离外，蒙尼恩亦都伤埋，冇咗呢位擅于组织及突破嘅翼锋支援，箭头伊拿基威廉斯势必孤掌难鸣。
利云特状态唔错，近9仗未输过，包括联赛反胜皇马，以及上圈西盃喺加时最后一刻绝杀维拉利尔，战力唔讲得笑，佢哋近日仲同老将荷西摩拉利斯续约至2023年，呢位进攻中场今季各项赛事已入11粒，老而弥坚，今次续约令士气大振。不过，「小蝙蝠」踢法只求稳阵，近6仗有5次开半场和，单计西盃，近3圈亦有2次与对手半场打和，预计今仗初段都係稳打稳扎，半场和不妨追多铺。
