曼城弗到漏上盘逊得过
今晚另一场欧联16强首回合，德甲劲旅慕逊加柏喺匈牙利中立场斗英超1哥曼城。「蓝月亮」近年一直以首夺欧联为目标，对上两届同样8强止步，今年当然想有所突破。佢哋现时状态冠绝全欧洲，加上一众主力悉数伤愈回归，实力及状态均喺慕逊加柏之上，为晋级必定搏尽，曼城让球半、两球照捧上盘可也。
曼城点弗法相信唔使多讲，近18场赛事全部赢晒，当中近6场有5次赢对手两球或以上。佢哋周日联赛击败阿仙奴一仗，开波未够两分钟就领先到完场，踢嚟悭水悭力，球员留晒力应付今仗。曼城一直以称霸欧联为最大目标，今届表现亦相当出色，6场分组赛获5胜1和，经过多年征战欧洲赛，经验及成熟度都有所保证。
慕逊加柏遇强冇办法
嚟到欧联淘汰赛阶段，曼城阵容亦回复完整，缺阵多时嘅「发电机」奇云迪布尼及射手阿古路均已伤愈，迪布尼上仗联赛更交出助攻，加上大勇嘅根度简，配合史达宁、菲尔科顿及马列斯等主将，战斗力相当惊人。再者曼城近年专剋德甲球队，近9次喺欧联对德甲兵获8胜1和，当中4次对慕逊加柏就有3胜1和往绩。
慕逊加柏目前喺德甲争逐前4位置，但近期状态麻麻，近3场联赛只有1和2负。佢哋喺分组赛亦只以2胜2和2负惊险出线，4斗皇家马德里及国际米兰都未能赢波，显然对强队冇乜办法，而且今仗安排喺中立场上演，冇埋地利更难抵抗曼城进袭，捧「蓝月」上盘最好路。
