胜利鍊凤凰半和好路
哑火残阵稳为先
周三澳职独脚戏上演榜尾大战，包尾大幡墨尔本胜利主场斗尾2嘅威灵顿凤凰，季前大事增兵嘅胜利演出差强人意，开季7战仅得1胜1和5负，不过凤凰近况亦唔好得几多，加上一对前锋苏迪里奥及大衞波尔因伤停问题均缺阵，想抢攻亦唔容易；胜利今季7场联赛有6次开半场和，不妨再追多次。
上季失落季后赛资格嘅老牌劲旅墨尔本胜利今季大换血，新兵基斯泰迪、宾科拿美、卡林麦马拿文及积及毕打菲特都有英超或英冠经验，论卡士毋庸置疑，不过佢哋大部分时间都係各自为战，整体发挥一般，开季7场联赛只赢过一场，其中最近2场都冇入波，攻力达唔到应有期望。
胜利今季入局慢
凤凰今季7场联赛得5分，成绩比胜利好少少，而且佢哋开季7场只有1场冇波入，进攻上亦比胜利有优势，不过前锋大衞波尔今仗继续坐波监，另外两名前锋苏迪里奥及希密特亦因伤倦勤，进攻火力恐会打折扣，加上正选中坚迪维利膝部重创需要做手术，预计至少要抖10个礼拜，对后防料有一定影响；凤凰今季7场联赛场场有失波，为免失先机，作客相信亦唔敢过分抢攻。
两军近况同样低沉，胜负难料，加上最近15次交锋各赢5次，其馀5次打成平手，往绩亦难分高下，胜利今季7场联赛有6次开半场和，入局较慢，预计今场亦唔例外，首选半场和。
