车仔斗拖肥细均力敌
争欧联席位睇准先出击
今晚英超头场，「蓝战士」车路士主场斗「拖肥」爱华顿。车仔自杜曹上任后各项赛事近10场获7胜3和，当中8场冇失波；爱华顿近况亦弗，尤其作客联赛连续9场不败；两军同样守强于攻，为争入前4唔会轻举妄动，捧2.5球细最稳阵。
车仔上场联赛作客1比0击败衞冕嘅利物浦，自杜曹「上车」后，联赛连盃赛近10场7胜3和，期间仅失2球，面对同级劲旅包括利物浦、曼联、马德里体育会及热刺都冇失波，后防演出可谓脱胎换骨，不过讲到进攻方面，佢哋近期赢波主要靠基奥特及美臣蒙特等个人质素奠胜，其他进攻球员发挥一般，其中迪姆华拿上场对利物浦更连番失机，明显信心不足，同时反映出杜曹现阶段仍未搵到最佳入波方程式。
爱华顿连续3场冇失波
爱华顿近3场联赛先后击败利物浦、修咸顿及西布朗，而且3场都冇失波，防守表现唔差得过车仔，加上巴西前锋李察利臣连续4场有入波，士气、信心翻番嚟。「拖肥」自从去年11月初联赛作客输畀纽卡素后，已经保持9场联赛作客不败，包括击败李斯特城、利物浦及打和曼联，遇强不落下风。
爱华顿目前只比车仔少1分，有力争取下届欧联入场券，何况紧随其后嘅韦斯咸、利物浦及热刺亦虎视眈眈，今场双方都唔想全失3分，踢法随时比平时更保守，既然杜曹接管车仔后，10场比赛有9次都开2球或以下，今场再追细盘。
