富咸鍊蓝月好守细
喺护级漩涡挣扎嘅富咸，今晚英超尾场主场迎战榜首曼城。富咸近期频频抢分成功，近7场联赛只输过1场，凭高度纪律性嘅防守减少失球，球队近8场联赛全开2球或以下，曼城即使全力出击，要大炒佢哋都唔易，加上「蓝月亮」有欧联后顾，捧2.5球入球细更明智。
富咸升班初期成绩绝不理想，开季9战输7场，不过领队柏加并冇举手投降，反而慢慢改善后防问题，球员喺佢悉心调教下，高度执行防守战术，成绩慢慢见改善，旧年12月开始连和5场，对手包括Big 6利物浦及热刺，对住车路士同曼联亦仅以1球差距落败。
柏加有自知之明，从来唔会同人斗攻，相反希望以稳守突击搵着数，上周作客更以1比0击败利物浦，连同2月作客两球淨胜爱华顿，到访默西赛德郡双雄以不失球豪取6分，证明对强队有其独门秘方，今场面对榜首曼城爆冷机会虽微，但亦未必咁易失波，佢哋近8场联赛全开2球或以下，防守战术非常奏效。
曼城欧联后顾见好就收
曼城周中联赛以5比2大炒修咸顿，于英超领导群雄，加上下周要应付欧联16强次回合对慕逊加柏嘅大战，领队哥迪奥拿当然唔想球员太过劳累，首循环佢哋作客富咸，上半场领先2粒后Hea到完场，今场随时照办煮碗，推介大家玩2.5球入球细。
