西维尔复仇上盘撑得过
今晚西甲补赛，4哥西维尔主场斗艾尔切。西维尔虽于欧联出局，但啱啱打吡战赢波，前锋安尼斯利亦重拾射门鞋，佢哋月头曾不敌艾尔切，今仗复仇味浓，西维尔让1/1.5球照捧上盘。
西维尔上周中欧联16强次回合，只能逼和多蒙特2比2，两回合计输4比5出局，再次证明佢哋只係「欧霸之王」，上到欧联始终差啲。好彩日前出战塞维利亚打吡，以1比0击败同市死对头贝迪斯，成功止住跌势。头号射手安尼斯利呢两场包办3个士哥，并终止之前7仗入球荒，信心返晒嚟，中场核心拿杰迪锡上仗只係后备入替，摆明养精蓄锐应付今仗。
艾尔切作客5连败
现时排尾4嘅艾尔切虽然月头赢过西维尔，但近况唔多掂，近12仗输咗8场，单计作客更係5连败，包括日前末段连失两粒倒输畀皇马1比2，绝对打击士气。佢哋今仗续有艾美兰奴列干尼养伤，更无还击之力。加上西维尔近7次联赛主场获6胜，只曾不敌弗爆嘅巴塞，等閒球队嚟到都係凶多吉少，西维尔让1/1.5球摆明有信心，上盘值捧。
