比利时要添食扫克冇手软
至于E组赛事，捷克主场迎战比利时。两军于首场分组赛同样先落后再反胜，相对嚟讲，比利时击败威尔斯「含金量」比捷克大胜爱沙尼亚高，事实上，比利时「黄金一代」战力劲揪，卢卡古同奇云迪布尼大熟大勇，就连杜根夏萨特都成熟起嚟，球队挟近19场赢17场气势，有力再下一城，捧客胜。
捷克近7战未尝考验
捷克上场大炒爱沙尼亚6比2，效力韦斯咸嘅汤马士苏锡克连中三元，而且近7战取得5胜2负，睇落好似好劲，不过认真望望班对手，只係塞浦路斯、以色列及斯洛伐克之流，不宜太过高估，呢场同真正强手交锋随时露馅。
世界1哥比利时坐拥黄金一代，最重要係卢卡古长期保持勇态，上场斗威尔斯射入1球，连同喺国际米兰嘅赛事，近7场入6球。中场支援嘅奇云迪布尼、杜根夏萨特及梅顿斯亦攻力十足，其中奇云迪布尼近10次代表国家队上阵，合共创造16个入球，包括6个入波及10次助攻，成功代替皇马中场夏萨特进攻核心嘅地位。
比利时踢外围赛从来都唔会揸流摊，2020欧国外佢哋分组赛10场全胜出线，累积近19场国际赛17胜1和1负，气势强横，预料今场有力撞散捷克防线取得小组2连胜，热捧客胜。
