利矛遇钢盾前锋捱细界
周三日职快车，班霸川崎前锋主场迎战韧力十足嘅鸟栖砂岩，呢场亦係最强进攻对最强防守嘅矛盾大战。川崎前锋开季7胜1和不败高踞榜首，不过上场被破不败身嘅鸟栖砂岩亦唔係不堪一击，上仗作客劲旅大坂樱花仅输0比1，係今季联赛唯一失球，防守力强，前锋要赢波恐怕要出尽九牛二虎之力，2.5球嘅入球细抵玩。
川崎前锋喺日职实力大超班，不过联赛始终係长途持久战，经验丰富嘅前锋亦深明唔可能每场比赛都锋芒毕露，近期赛事抢攻力度稍为回落，近5场联赛有4场入波少过3球，呢4仗总入球都係2球或以下。川崎前锋上仗主场迎战弱旅大分三神，轻描澹写赢2比0就收够筹，面对鸟栖砂岩，相信亦只望赢波而唔会追求大胜。
鸟栖7战仅失1球
鸟栖开季6场联赛均保持不失球，直到上场先以1球仅负，防守组织严密，失球数字低绝非侥倖。作客上季王者川崎前锋，鸟栖将会屯重兵死守力求抢分，前锋要撕破客队防线将遇上严重阻力，鸟栖今季7场联赛6次总入球为2球或以下，2.5球嘅入球细要追。
