红魔攰爆捱细界
今晚英超尾场2哥曼联喺主场迎战般尼。「红魔」近况虽勇，但过往主场对般尼成绩一般，加上赛程频密下球员难免攰爆，主胜热得嚟唔稳阵；般尼遇强例玩死守，而且近6次对「红魔」5次开2球或以下，2.5球嘅入球细仲抵玩。
由于榜首曼城上轮联赛输波，「红魔」依家落后11分兼少踢一场，今场只要全取3分，就可缩窄至8分差距，不过佢哋近年主场对般尼经常陷苦战，近4次主场交手仅得3和1负，绝对唔係话赢就赢到，加上几日前踢完欧霸，匆匆再战体力无疑较输蚀。
般尼守强攻弱
仍于下游挣扎嘅般尼，向来守强攻弱，31场联赛只入25粒，仅比锡菲联及富咸多，作客奥脱福只望靠防守抢1分。佢哋虽然近两仗联赛全败，但近期对住前10球队如李斯特城、阿仙奴及爱华顿都唔输，不容小觑。睇番两队近6次交手5次开2球或以下，今仗唔慌多波入，不妨向入球细埋手。
