车仔踩油冲线吼客Ｗ
今晚另一场英超前4关键战，阿士东维拉主场对3哥车路士。车路士今仗只要全取3分，即稳入前4，唔使睇人面色；维拉踢紧风流波唔会阻人发达，加上车仔近期联赛客场特醒，简简单单捧客胜。
车仔近期连续两场斗李斯特城，英足盃饮恨而回，上周中联赛则赢2比1复仇成功。嚟到联赛煞科战，佢哋同李城及利物浦争夺两个前4位置，不过车仔多个保障，月底欧联决赛只要赢到曼城，就可凭衞冕身份参加下届欧联，但当然佢哋都唔想搞到咁忟水，今仗必搏尽抢Ｗ。
维拉等放假随时让路
自从杜曹上任后，车仔表现重上正轨，现时争前4手握主导权，特别係联赛作客录得8战6胜2和，单计近5仗就获4胜1和，包括击败曼城，客场战绩坚劲。维拉上仗虽然反胜热刺，但依家排第11位，笃定无缘争下届欧洲赛资格，球员都係等放假，面对来势汹汹嘅车仔，让路唔奇，一于热捧客胜。
