麦克阿瑟稳阵波半和啱数
今日下午有场澳职独脚戏，西部联中立场火併ＦＣ麦克阿瑟。西部联6连败兼无缘季后赛，士气点会好；麦克阿瑟向来稳阵行先，为保前6嘅季后赛席位必小心为上，半场和值捧。
西部联冇士气等收咧
西部联阵中始终老将太多，喺频密赛程下难以场场夫添搏尽，搞到近6场全部输晒，包括上仗对住尾2嘅墨尔本胜利，竟然惨败1比6，宣布无缘季后赛，剩番两轮联赛变咗例行公事，成班波冇晒士气，随时hea踢等收咧。
澳职新军麦克阿瑟依家只领先第7位兼打多一场嘅威灵顿凤凰同西悉尼流浪者1分及2分，为保前6嘅季后赛资格，今仗不容有失。不过佢哋状态麻麻，近9场联赛只获2胜，就算面对无心恋战嘅西部联，要赢亦唔易，初段未必会太进取。查实麦克阿瑟踢法稳阵，近6仗有5次半场同对手打和，包括同榜首墨尔本城半场互交白卷，预计今仗都係谋定而后动，半场和绝对捧得过。
