法国半和餐士高
踢淘汰赛 唔会进取
今晚欧国盃16强由法国火併瑞士，今场喺中立场罗马尼亚布加勒斯特举行，上届欧国盃亚军法国演出未如预期，虽然分组赛首战击败德国，但近两场都只係和波收场，不宜高估。加上淘汰赛一场定生死，预料踢法唔会太进取，考虑到双方近6次对赛，有5次上半场打和，半场和值得再追。
法国中前场星光熠熠，拥有宾施马、基沙文、基利安麦巴比及保罗普巴等球星，但整体发挥一般，对德国全场只有4次射门，仅靠对手中坚晓姆斯摆乌龙，先至小胜1比0。第二场佢哋表现更严重失准，仅能赛和匈牙利1比1，至于上场对葡萄牙，上半场亦都只係打成平手。
法国成绩比预期差，好大程度係进攻球员把握力弱，被寄予厚望嘅基利安麦巴比多次浪费入球机会，今届仲未开斋。至于重返国家队嘅宾施马，表现亦唔及踢皇马嘅水准，直至上场对葡萄牙先取得入球。法国一众射手缺态，上半场未必咬得入瑞士。
瑞士死守博偷鸡
瑞士踢法向来擅守不擅攻，首两场分组赛仅入1球，上场对土耳其喺非胜不可情况下，豁出去抢攻先迎来大捷。嚟到16强形势完全不同，相信瑞士会回复稳守踢法，甚至採取死守战术，博互射12码分胜负亦唔出奇，好大机会开出半场和。
