捷克斗丹麦细均力敌
一场决胜负稳阵行先
今晚欧国盃8强头场，捷克喺阿塞拜疆中立场火併丹麦。捷克凭整体配合及机动踢法打出一片天，丹麦今届经历「生死巨变」，万众一心力求再谱写童话。8强阶段双方都会作周详部署，唔会乱攻，加上捷克近9仗欧国盃赛事8次开2球或以下，捧2.5球入球细属明智之举。
捷克喺欧国盃历史上成绩唔曳，曾于1960年首届赛事夺得季军、1976年更击败前西德成功封王，1996年及2004年亦分别获得亚军及4强。佢哋今届喺冇乜大球星压阵下，踢出烧鹅味道，16强以2比0淘汰争标球队荷兰够晒说服力，利华古逊前锋柏德列舒希克累积攻入4球，只係差C朗拿度1球，仲有机会问鼎金靴奖。
丹麦绝处逢生添信心
不过捷克要撕破丹麦防线非易事，呢支北欧奇兵1992年以候补身份参赛并神奇夺冠，被形容为「丹麦童话」，今届中场灵魂基斯甸艾历臣首仗对芬兰突然昏迷，幸好及时获救逃出鬼门关，球队分组赛两连败后，最后一仗同艾历臣一样绝处逢生，大破俄罗斯出线，并挟强势16强再大炒威尔斯，现时丹麦上下一心为艾历臣而战，恍如获神奇力量加持，力求再写童话。
捷克及丹麦同属今届欧国盃奇兵，而且实力相近，今仗胜负难料。丹麦连续两仗大胜只因对手末段崩溃，未能作准，反观捷克近9场欧国盃8次开2球或以下，加上8强一场过决胜负，两队会相当谨慎，捧2.5球细盘啱数。
