特雷斯登抢分大盘堡数
汉堡后衞 利保特
两支各有目标抢分嘅德乙球队今晚对碰，包尾大幡特雷斯登主场迎战联赛榜3哥汉堡。一队要抢分护级，一队就争升班，肯定唔会缩。汉堡排名虽较高，但近7场联赛失14球，防线欠稳，特雷斯登近期斗心旺盛，捧2.5球入球大。
汉堡入得又失得
特雷斯登早前有球员确诊延后复赛，比赛场次较少一度畀其他护级对手抛离，不过佢哋经过密集式补赛后，已将积分拉近。特雷斯登目前比尾3嘅卡尔斯鲁厄少2分但少踢1场，今场只要赢波就可以取代对方嘅尾3位置，斗心十足。
3哥汉堡现时比次席史特加少2分，不过第4位嘅海登咸亦追得好贴，想直接升班不容有失。但汉堡今季作客成绩甚曳，近13场联赛作客仅获1胜8和4负，而且全部有失波，好在锋力补救到。连同停摆前联赛，汉堡近7场入12球失14球，6次开3球或以上，今场入波一定唔会少，首选2.5球大盘。
