杜塞让客有冷味
迪姆华拿
RB莱比锡前锋
．莱比锡主场冇镬气．
周四凌晨续有多场德甲上演，3哥RB莱比锡会喺主场斗护级分子杜塞尔多夫。莱比锡联赛重开后主场表现比作客差，今场让球主客和让2球博唔过；杜塞尔多夫上场补时仅负多蒙特踢出斗志，不妨冷敲让球客胜。
RB莱比锡复赛后联赛6场未输过，不过3次赢波都係作客，反而主场连和3场，包括1比1打和包尾大幡柏达邦，水准并唔稳定，佢哋依家以31战62分排第3，剩番3轮比赛，只要Keep住唔输，前4位置都好稳阵，今场随时先保不失，再伺机突围，大胜机会唔大。
撬黄喜灿顶迪姆华拿
论球员表现，自从传出迪姆华拿改赴英超搵食后，呢位RB莱比锡前锋明显冇季初咁Sharp醒，有报道指莱比锡已准备从「姊妹球队」萨尔斯堡接收南韩翼锋黄喜灿做佢接班人，可见华拿离队已成定局，馀下比赛仲会唔会搏尽好成疑问。
未计周三凌晨赛事，杜塞尔多夫同尾2嘅云达不来梅同得28分，为咗护级绝对唔会放鬆。佢哋复赛后6战只係输过畀拜仁同多蒙特，其中上场斗多蒙特更踢至补时最后一刻先失守输0比1，表现唔失礼，呢场随时再有神来之笔，让球主客和主队让2球太多，宁捧让球客胜。
