阿特兰大主演入玻骚
阿特兰大前锋 路尔斯梅利尔
火力超勐勒唔住
意甲前列大战，阿特兰大主场对拿玻里。阿特兰大係今季意甲锋力最强球队，28战合共轰入80球，但失球亦偏多，导致近6场赛事总入球都係5球或以上，极为夸张，对家拿玻里亦係进攻型球队，预料今场两军大驳火，中位数3.5球嘅入球大值得捧场。
拿玻里当弗唔怕斗攻
阿特兰大近年喺加斯柏连尼执教下大踢进攻足球，即使取得领先优势，都仍然继续丧攻，所以经常製造出大比数赛果，其中主场对乌甸尼斯、作客对拖连奴及莱切，都攻入对手7球，锋力劲到癫。意甲复赛后，阿特兰大仍然维持有前无后嘅踢法，主场对第2位嘅拉素，更加係喺落后2球之下反胜「蓝鹰」3比2，上场作客亦以同样比数击败乌甸尼斯。包括联赛及欧联在内，阿特兰大已经取得8连胜，近6场赛事总入球都达5球或以上，弗到冇朋友，今场又有地利之助，应该会继续强攻对手。
另边厢，拿玻里虽然争前4位机会淼茫，但班波近排走势强劲，捧意盃之馀，近5场联赛亦赢晒。「进攻铁三角」米利克、梅顿斯、恩斯治尼今季合共轰入22个联赛入球，有本钱同阿特兰大周旋到底。事实上，拿玻里近4次作客阿特兰大，就有3次赢波，今场梗係唔怕斗攻，今场个入球大怕且都走唔甩。
