护级死斗诺域治对攻韦斯咸
诺域治箭头 迪姆普基
英超得番4轮，今晚两仗头场都係上演护级大战，其中诺域治主场硬撼韦斯咸，坚係生死斗。「金丝雀」依家包尾形势最危，若果赢唔到就救唔番，决心必大；韦斯咸临近季尾明显回勇，2.5球嘅入球大值博。
诺域治依家只得21分包紧尾，落后「安全区」尾4嘅屈福特同韦斯咸10分，如果今仗赢唔到，又或者另一边厢屈福特赢波，「金丝雀」就提早3轮宣布降班，非常被动，依家惟有望赢番场，咁先有一线生机。韦斯咸仍未上岸一样要搏，好彩佢哋状态唔错，米查利安东尼奥及汤马士苏锡克近3仗都有2球进帐，不过佢哋连续14仗联赛有失波，玩大盘更好路。
屈福特誓捉风流喜鹊
同时间开波嘅另一场护级关键战，屈福特主场对纽卡素。屈福特上仗「6分波」以2比1勇挫诺域治，前锋韦碧克以一个靓绝倒挂打破入球荒，重拾信心，若果今仗赢埋，唔单止可以将诺域治踢落英冠，亦会甩开尾3般尼茅夫6分，对护级大有帮助。「喜鹊」纽卡素冇嘢好争，日前吞曼城5蛋明显等放假，加上近4次造访「大黄蜂」录3败，主胜必捧。
