天狼星够抢大盘得米
今日阿King集中研究大家好期待嘅瑞典超级联赛，最有信心係米赞比主场对天狼星；米赞比上场逼和联赛榜1哥诺高平，士气大振必乘势追击；天狼星踢法有前冇后，今轮之前係今季联赛失波最多球队，2.5球大盘可作为过关重心。
天狼星自从2017年升上瑞典超以嚟，一直都喺中下游浮浮沉沉，呢班波最大特色係踢法不设防，对上3季联赛失球数字都超过50球，今季佢哋开季成绩虽然有进步，未计周三成绩排联赛榜第6位，但依然不改有前冇后本色，踢12场联赛失咗20球，未踢今轮比赛前係联赛失波最多球队，好彩佢哋前线交足功课，近4场联赛共攻入10球，只係输过畀劲旅马模，呢场作客料会一如以往以攻代守。
米赞比今季失球数字只比天狼星少1球，后防亦唔见得好，不过球队上场作客以1比1打和赛前排第1嘅诺高平，相信对球员士气及信心起到正面帮助，佢哋已经连续5场联赛未赢过，返主场必定抢攻求3分，大盘好路。
艾夫斯堡开火捧W
另外两关同时间开波，AIK苏纳主场对艾夫斯堡；AIK近4场联赛不胜，当中近3场都冇波入，相反艾夫斯堡4场不败，近3仗狂轰11球，包括作客以5比0大炒米赞比，今场取客胜。最后赫根主场对诺高平，诺高平近6次对赫根全胜，本可睇高一线，不过佢哋今季5场联赛作客场场有失波，4次开3球或以上，转捧大更稳阵。
