留力季后赛先係波
澳职常规赛接近煞科，已经稳夺常规赛冠军嘅FC悉尼今日最后一战会喺主场斗西部联；FC悉尼复赛后走势放缓，近5场联赛只得1胜，当中4次开出半场和，撞啱同样已获季后赛资格、大可留力季后赛嘅西部联，半场和可谓不二之选。
FC悉尼喺球季停摆前，已经喺榜首大幅抛离其他对手，所以就算佢哋复赛后5场联赛只得1胜2和2负，仍然无阻佢哋重夺失落一季嘅常规赛冠军；FC悉尼以上5场联赛有4次开出半场和，摆明睇定嚟食，加埋右闸赖恩格兰或继续休战，相信呢场都係稳打稳扎，保留体力应付季后赛。
西部联和波冇蚀底
西部联上场2比0击败珀斯光辉，复赛后4场赢3仗，目前24战得36分，以15个得失球差压过同分、已完成常规赛嘅阿德莱德联，除非西部联馀下2场以绝大比数落败，否则西部联已稳入季后赛。虽然西部联喺数字上仲有机会争第3，但经过密集赛程，现阶段为稍后展开嘅季后赛做好准备、稍作调整先係上策，面对1哥亦冇必要抢攻求胜，和波都冇坏，推介半场和。
