奥地利前锋沙比萨
另一场B1赛事，由挪威主场斗奥地利，挪威新星艾宁夏兰特及马田奥迪加特上季喺球会表现出色，予人无限憧景；不过由德甲主力孭飞嘅奥地利喺多名经验老将带领下，近年表现亦突飞勐进，加上佢的最擅长稳守突击，等閒球队唔易喺比赛初段搵到着数，敲半场和最稳阵。
自从2000年欧国盃后，挪威已有20年未曾入过大赛决赛周，咁岩同年出世、今年只有20岁嘅艾宁夏兰特被视挪威近年新希望，加上21岁嘅「神童」马田奥迪加特上季外借皇家苏斯达亦表现出众，令外界对挪威未来有一定期望，不过考虑到现时其他挪威成员质素普通，相信要累积一定经验，队波先可以发挥最佳水准，何况挪威上届欧国联喺C3取得小组首名，得以出战延至明年嘅附加赛，争夺明年欧国盃决赛周入券先系眼前最大目标，今届欧国联随时作为练兵或试阵之用。
奥地利擅守半场多开0比0
连同延至明年夏天举行嘅决赛周，奥地利近4届欧国盃有3次入围，实力早被认同，虽然效力拜仁慕尼黑嘅阿拉巴冇入选，ＲＢ莱比锡前锋沙比萨、利华古逊孖宝德高域及巴姆加特宁加都系质素、经验兼备嘅一等一好手。奥地利喺上届欧国联4战2胜1和1负，表现唔曳，其中4场上半场都同对手踢成0比0，踢法稳健唔易多失，再追半场和好路。
