蔚山玩轮换照爆光州
周日韩职尾场好戏码，榜首蔚山现代主场迎战ＦＣ光州。蔚山近态勇锐；光州係今季韩职失波第2多球队，面对锋力强横嘅蔚山料难逃一败，让球主客和蔚山让一球，捧让球主胜。
蔚山今季于各项赛事20战获16胜3和1负，唯一输波係输畀联赛劲敌全北汽车，而且佢哋联赛连盃赛近11场10胜1和，整体水准好稳定。虽然因为下一轮要火併全北，蔚山今场可能变阵留力，中场大脑尹比加林多数继续休息，比安庄臣就会担任箭头，已有21球进帐嘅巴西射手祖利亚尼加奥，或者下半场至出击，即使係咁，以「老虎」嘅雄厚班底加埋主场之利，数两三球唔难。
光州防守弱失波多
ＦＣ光州上场6比4作客大胜ＦＣ大邱，展现出力量同速度嘅优点，不过单场失4球，亦暴露咗后防不稳毛病。事实上，光州今季18场联赛只有3场冇失波，加埋失咗27球，未计今轮比赛前，係ＦＣ首尔以外，韩职失波第2多球队之一。最重要一点係，光州入球泉源集中喺前锋菲腊比迪苏沙身上，据讲蔚山会起用身高1.87米、外号「奇诚庸第二」嘅22岁中场元斗才，箝制呢位入咗10球嘅巴西长人，令光州更难偷鸡。
睇番数据，蔚山18次同ＦＣ光州交手，只得2015年输过一次，无疑双方近5次对战，冇一队能够入对手多过1球，不过此一时彼一时，蔚山近10次赢波有7次能够淨胜对手2球或以上，光州防守缺陷明显，一于捧让球主胜。
